DÍA DAS LETRAS GALEGAS Este ano, arredor das Letras Galegas, non nos conformamos con celebralo un día, tivemos 17 DÍAS EN GALEGO!!! Un montón de actividades de todo tipo. Mirade, miradade!!! - "E ti, en que linguas falas?": reflexión na aula sobre usos lingüísticos. - "Pegada de carteis": promocionando o uso do galego por Tui.   - "Xogos populares": compartindo xogo no patio. - "Dígocho eu!": elaborando o noso propio vídeo na aula neste formato.   - "Adiviña, adiviñanza": lectura de adiviñas populares ao apadriñamento lector. - "Museo de refráns": cunha exposición de diferentes refráns populares escollidos nos corredores. - "Global muiñeira": interpretación dunha muiñeira implicando a todo o cole no patio. - "Foliada": pola tarde coa colaboración de familias e intérpretes musicais.   - "Festival Letras Galegas": con actuacións de todo o alumnado na biblioteca. - "Canción final": cantando

Este ano no Entroido celebramos coas nosas charangas. Creamos diferentes charangas temáticas por aulas mixtas de infantil e primaria e viñemos disfrazados segundo a temática da nosa charanga. Había distintas temáticas: Safari, a charanga Dormilona, Titiricircus...  Co profe de música preparamos unha actuación cunha canción en galego para bailar no escenario da biblio todo o alumnado de cada unha das clases por quendas. 

O pasado 21 de marzo foi o Día das Poesías e dos Bosques, e o celebramos no monte de Areas cunha Reforestación Poética. Durante a reforestación recibimos unha charla do grupo de expertos do Monte de Areas na que nos explicaron a importancia de Reforestar. Máis tarde, o alumnado puido ser partícipe en pequenos grupos da reforestación dalgunhas árbores autóctonas.  Cada clase preparou un pequeno poema en galego en diferentes formatos para conmemorar este día, rematando cunha actuación do grupo Migallas. Pasámolo en grande!

 Este ano celebrámolo no cole cantando pola paz. O alumnado de Educación Infantil cantou a canción "Campás pola paz", de Migallas, e o de Primaria a canción "Estamos de festa", de Uxía lambona e a banda molona. Aquí tedes os vídeos. Desfrutádeo!

 Este ano o Nadal no cole estivo cheo de sorpresas e festa para celebrar xuntos. O día 19 de decembro recibimos na biblioteca do cole a visita de papá Noël ao que lle dimos as cartas cos nosos desexos. O 20 de decembro cantamos todos xuntos panxoliñas coas familias polas rúas de Tui e rematamos o paseo cunha estupenda merenda xunto á catedral. O último día do cole, o xoves 21 celebramos unha gran festa entre todos para despedir o ano coas campanadas. 

O día 12 de decembro celebramos no corredor de infantil o I Obradoiro en galego en familia. Este obradoiro estivo baseado no Nadal. Tiñamos un obxectivo, decorar o cole de Nadal coas nosas familias. Foi unha actividade que se fixo fóra do horario lectivo e pretendíase que o alumnado compartise unha tarde en familia no cole e con tal motivo adornalo para a ocasión.  O resultado foi moi bonito, as familias estiveron moi receptivas e o alumnado estivo encantado e moi contento de ter a súa familia no cole e de poder decoralo.  Fixemos unha chocolatada ao remate! mmm... que rico estivo todo!   

No vindeiro mes de novembro celebramos no cole a nosa tradicional festa do Magosto.  Este curso, en coordinación con outros equipos dinamizadores do centro (biblioteca e equipo de complementarias e extraescolares) deseñáronse diversas propostas en galego para o día en cuestión.  Primeiramente tivemos unha xornada de xogos tradicionais en diferentes independencias do centro: tragacastañas, que non caia a castaña, carreiras de sacos, bolos celtas, aros musicais, equilibrios coa castaña, tres en raia... As nosas familias da ANPA viñeron a colaborar con nós e a dinamizar estes xogos.  Continuamos a mañá comendo unhas ricas castañas asadas, tamén en colaboración das nosas familias. Por último, a ANPA tamén colaborou financiando o concerto de Cé Orquestra Pantasma para que o noso alumnado puidera desfrutar dunha xornada de música en galego en directo na nosa biblioteca.  Dende logo... foi un día para non esquecer! Grazas a todo o mundo por facer que a nosa tradicional festa puidera celebrars