É TEMPO DE MAGOSTO!

    Este ano, debido á choiva, tivemos que celebrar o Magosto no colexio e adaptar os xogos ao espazo dispoñible. Aínda así, pasámolo moi ben e puidemos gozar dunha estupenda xornada de xogos, convivencia e castañas.

   Aínda que a celebración tivo lugar no colexio, contamos igualmente coa realización de diversos xogos populares, entre os que destacaron o tiro á pirámide, o paracaídas, a castaña quente, os bolos e os aros musicais, entre outros.

                        

    Así mesmo, foi fundamental a colaboración das familias, que participaron tanto no asado das castañas como na dinamización e desenvolvemento dos xogos, contribuíndo ao éxito da xornada.

           

    Ademais, este ano, para rematar a xornada, contamos coa participación dun grupo musical formado por profesorado do centro e por familias do alumnado, que nos achegou á música tradicional galega a través dunha actuación que contribuíu a enriquecer a celebración e a promover o coñecemento e a valoración do noso patrimonio cultural.

                                        

    Unha vez máis, queremos agradecer á colaboración das familias sen as que este tipo de xornadas non serían posíbeis. Agardamos que o vindeiro ano poidamos volver gozar do Magosto ao aire libre e compartir esta fermosa tradición en comunidade.