Un mes en galego: É tempo da nosa III Foliada escolar.

A nosa terceira foliada realizouse o 27 de maio nun día solleiro. Foi unha xornada fantástica na que compartir con toda a comunidade do noso centro, non só a estritamente educativa senón tamén veciñal. 

Nesta xornada, alumnado, profesorado, familias e mesmo unha das nosas convidadas da Residencia San Telmo cantaron e bailaron para todos os asistentes. 

Ademais, tivemos a oportunidade de compartir unha merenda todos xuntos e ata houbo agasallos. Libros segredos en galego que ó estar envoltos foron toda unha sorpresa a descubrir. Folletos informativos para que nos animemos a falar en galego nas casas tamén e; por último e non menos importante, chapas co logo do noso cole con forma de pandeireta. 

Porque este ano e todos, que vivan as nosas pandereteiras. 

Esta xornada foi dinamizada foi presentada polo alumnado de sexto de educación primaria que tamén contribuíu na súa dinamización. 

O máis divertido foi poder bailar xuntas e xuntos, xa que antes tivemos dúas sesións de bale tradicional co papá de Aldán na escola, que nos ensinou algúns puntos que foron de gran axuda. Ademais, de que tivemos dous retos chamados "Global muiñeira" durante o mes para practicar  e aprender bailar uns puntos.