É tempo de Magosto!

 O pasado venres 12 de novembro celebramos a conmemoración do Magosto na alameda de Tui. 

Todos os cursos acudimos á alameda para realizar diferentes xogos, algúns máis tradicionais que outros, nos que a protagonista foi sempre a castaña. 

Xogamos a buscar castañas na alameda o que non foi tarefa fácil. Buscamos castañas entre buxos, debaixo das follas, sobre as árbores, pero conseguimos atopalas todas. 

Tamén puidemos xogar ao tres en raia. Desta volta, en lugar de fichas empregamos castañas. 

Puidemos xogar tamén ás cadeiras do revés. En lugar de competir, axudabamonos para que ninguén perdese. Foi moi divertido tratar de encaixar dentro dos distintos aros; facer carreiras con castañas; etc. 

Entre xogo e xogo puidemos gozar da alameda e do que o outono foi deixando ó seu paso. 

Despois de desfrutar de todas estas actividades tivemos tempo para merendar e comer unhas deliciosas castañas que nos prepararon as familias da ANPA. Dende aquí dámoslles, unha vez máis, as grazas pola súa colaboración. 

A xornada do Magosto rematou coa fabulosa actuación de Paco Nogueiras. Deixámosvos unha mostra da súa música e do ben que o pasamos escoitándoo.